اليوم جربت مطعم الساحة قرية لبنان التراثية ، بمنطقة بنيد القار ، مقابل شارع الخليج
تصميم المطعم تراثي يوصف قرية قديمة بأسامي البيوت و أصحابها وايد حلو المكان جنه متحف عجبني وايد ، والسيرفس وايد ممتاز وكل شي على الاصول
طلبت عصير ليمون بالزهر ما قاومتها و طلبت غيره و سلطة جرجير وايد حلوه
بطاطا حارة وايد حلوه
حمص بيروتي لذيذ
دجاج المسحب وايد ترف و لذيذه
الشيش طاووق موفق
صحن شاورما اللحم همن حلو
حلوياتهم اتونس من كل شي امليله صغيره
شايهم اييبونه بسماوه
انصحكم بالمطعم وايد حلو و أكلهم لذيذ و وايد حلو ليمعات الاهل
عندهم خمس افرع بلبنان ، قطر ، السودان ، و لندن و طبعا الكويت
عنوانهم
بنيد القار – مقابل نادي ضباط الجيش – – شارع الخليج العربي
تلفونهم للحجز 22533377 /88
DarMdary 
سامحك الله على هالمطعم بناءا على كلامك ومدحك أخذت اليهال وقلت باتغدى عنده استقبال سيء الساعه ثنتين الظهر المطعم مافيه زود نص المنيو درس تاريخ والمنيو مقارنة بالمطاعم المحترمه فاضي بعد 35جاب المشويات لا والطلب ناقص والفاتوره غاليه مقارنة بما قدم باختصار غدوه سيئه وما راح أكررها
شكرا على التعليق صحيح المطعم أول ما فتح كان ممتاز و تغير بآخر زياره لي له ، اغلب المطاعم تشتهر ببدايتها و عقب يخترب السيرفس . شكرا
لا أنصح بهذا المطعم ديكورات نعم جميله لكن ستاف لأ خصوصاً إني مجرب مطاعم لبنان والمطاعم الشاميه بالكويت مثل ڤيلا فيروز وميس الغانم باختصار وانا قلتها لهم قبل لا أطلع انتم مطعم شكل وليس مطعم للأكل !!!
تجربة مستحيل افكررررررر اكررررررررها …… جد أكبر غلطة بحياتي اني أكلت فيه
فعلا انا من السعوديه وشفت المطعم اعجبنى شكله الخارجى ودخلت وعجبنى الديكور لاكن السيرفس تعبان جدا وعلاوه على ذلك مبالغين بالاسعار كثير مقابل الاكل الاكل عادى واقل من عادى لا يستحق الاسعار الى عندهم لبنانين على ايش ها الاسعار مدرى وبالاخير اقول المختصر المفيد المطعم موقع وديكور فقط غيره سى جدا جدا جدا