مريت على أشهر محل للبسكويت بالنمسا مانر و عندهم تشكيلة كبيرة من البسكوت الوافر المشهورين فيه و أنواع غيرها الكاكاو و أشياء اتشوق و عندهم علب كبيرة للهدايا فيها تشكيلة من منتجاتهم متنوعة
آخر صورة إسم الشارع اللي شفته فيه خلف الكنيسة الكبيرة
و هذي قهوة ثانية تعتبر من أقدم المقاهي عندهم و مشهورة بتارت الجوز واسمها كونجرس تارت و تقدم مغلفة بعلبة مثلثة
كل مره نطلع نتمشى بفيينا لازم انريح بوحده من القهاوي اللي ما شاء الله مليانة شوارع فيينا فيهم ، و هذي قهوة تطلع على نهر الدانوب و زحمه عليها و يفضل الاتصال عليهم لحجز طاولة مقابل النهر و اللي يروح بدون موعد اهو و حظه ما يلقى إلا داخل القهوه و هذا اللي صار معانا لقينه طاولة وحده بس و الباقي كله محجوز
آخر صورة واضح فيها العنوان و أرقام الحجز
أمس بليل عقب ماوصلنا فيينا عشانا كان في مطعم فابيانو و هالمطعم في فرع بدبي كنت امجربته هناك ، طبعا كنا يواعه وايد و انا أخذت معكرونه سمرا مع بيستو و خضار و اللي يونس بالمطعم طاولاته عليهم شتلات ريحان و اكليل الجبل للي يحب يقطع و يزيده على اطباقه
المطعم لذيذ و تجربه بالطلبات مختلفه عن باقي المطاعم
المطعم متخصص بالبيتزا و المعكرونة و السلطات و غيره من الحلويات
أمس الصبح جربت كافيه بباريس انجليزي و هو يعتبر من أحدث الكافيهات اللي قاعده تنتشر بسرعه في فرنسا ، أخذت منهم كافيه و جيزكيك بطعم الليمون وايد كان لذيذ ، و طبعا عندهم سلطات و سندويشات و شوربات و حلويات أنواع وايد و عجبني المكان شرح و هادي
الجيزكيك اللذيذ
هذا اسم الشارع اللي كانت القهوه فيه و هالشارع متفرع من الشانزليزيه
إذا عزموا يفتحونها عندنا لها مستقبل و نجاح
اشعندنا غير هالسوالف لووول
اليوم في باريس مريت كافيه متخصص بالفواكة والأكل اللي أغلبه فيه فواكة و عجبني المكان
أخذنا فروزن يوجرت و آيسكريم و كلهم عليهم فواكة على إختيار الزبون
لاحظوا الوافل مستخدمينها للسلطة
le paradis du fruit
32 avenue de Wagram – 75008 Paris tel. 0144090202
le paradis du fruit website
اليوم كنت ماره صالون أورينتال اللي بشرق خلف مدرسة دسمان و سألتهم بالصدفة عن اذا عندهم مساج و سبا و قالولي إي نفس الادارة بس اسمه بانا سبا بنفس العمارة بس مدخله على يمين الباب و الصالون على يسار الباب ، و أهم اثنينهم بفندق سيتي سويت للشقق الفندقية و وايد عجبني المكان حده هادي و راقي و عندهم غرف وايد و هذي بعض الصور للسبا
فرفهم كلهم على اسامي ورود
عندهم كذا غرفة لشخصين
غرف التبديل
بانا سبا بمنطقة شرق خلف مدرسة دسمان و بعمارة سيتي سويت للشقق الفندقية للحجز تلفون 22468343 Pana Spa Kuwait
اليوم حضرت ندوة للأستاذ الدكتور طارق الحبيب في مقر الهيئة الخيرية الاسلامية في جنوب السرة.
والدكتور طبعا غني عن التعريف فهو برفيسور واستشاري في الطب النفسي ،كلامه جدا رائع وحديثه ممتع .
وصلت للبلوق دعوة من الفنانة التشكيلية د. عبيرالكندري لإفتتاح معرضها الشخصي بقاعة أحمد العدواني بضاحية عبدالله السالم
الافتتاح سيكون بتمام الساعه ٧ مساء و لمدة اسبوع ، و الدعوة عامة للجميع و لمحبي الفن و الرسم التشكيلي
و لمحبي المتابعة بالانستغرام هذا هو اكاونت الفنانة د.عبير الكندري @q8_abeer_19668
البضاعة التركية وايد تغيرت عن اللي كنا نشوفه بأسواقنه قبل من زمان
من بعد ما الناس اعرفت تركيا الحين و اعرفوا أشهر المحلات لملابس النساء، فتح من جم يوم محل ايبيكيول ، بالمول غراند افنيو ، ملابسه راقية جدا و عنده تشكيلة من الاحذية و الشنط و الاكسسوارات
عندهم تشكيلة من ملابس السهره الناعمه
DarMdary 
