جربنا من جم يوم مطعم ايطالي بمجمع دسمان بالسرداب ( مجمع دسمان مشهور في مكتبات و شركات و خطاطين) المطعم ديكوره حلو وايد، المطاعم و الكافيهات زادت بكثرة بمدينة الكويت و خصوصا منطقتي شرق و المرقاب و أكثرها مطاعم و كافيهات شبابية ،، التجربة كانت جيدة و الأكل لذيذ
Category Archives: Food & Drink
Shakespeare and Co. مطعم و كافيه شكسبير الكويت
Trapani restaurant at morooj
أمس جربت مطعم ايطالي لذيذ في مروج -مروج منطقعه مطاعم و محلات تسلية في منطقه صبحان مقابل الدائري السادس بجانب فندق صحارى ، طبعا في مطاعم وايد (ايراني ، كويتي ، هندي ، تركي ، ايطالي ، فرنسي ، تايلندي و غيره من الكافيهات )
تراباني إسم مقاطعه في ايطاليا ، و ديكور المطعم و تصميمه ايطالي و المشهور بهذا المطعم حجم أطباقه المتوسطه والفكرة هي المشاركة و تذوق تشكيله كبيرة و متنوعة من الاطباق هالمطعم ثالث مرة أجربه و يستاهل زيارات ثانية و ثالثه
مطعم مكسيكي بالجابرية ان مكسيكو En Mèxico
جربت أمس مطعم مكسيكي بالجابرية و عندهم فرع ثاني بالسالمية ، فرعهم بالجابرية خلف نادي تشامبيون اللي عالدائري الرابع ، طلبنا ناتشوز مع جبن سايح و مقبلات بورتبيلو مشروم كاساديا لذيذة كانت و الاطباق الرئيسية بوريتو دجاج و برجر لحم وعندهم أطباق وايد ، بس هذا اللي قدرنا ناكله ،،
و عندهم خدمة توصيل بأبلكيشن كاريج
Carriage – Food Delivery by Carriage
Link carriage for download..
مطعم ايطالي لذيذ مارغريتا بمجمع 360 الكويت
اليوم جربت مطعم ايطالي بمجمع ٣٦٠ فوق نفس دور السينما و اهو داخل مقابله نافورة جديدة و حدايق و ديكورات جديدة للمنطقة وايد القعده حلوه و شرحه واسم المطعم مارغريتا و هذي بعض الصور للمكان والاكل كان لذيذ وطبعا راح أجرب اطباق ثانية بزيارة اخرى
و عندهم فرع ثاني بمجمع ذا جيت بالعقيلة وعندهم طريقه للدفع اييك الجرسون وقت الدفع معاه سلة صغيرة فيها ارقام من ١ لغاية ٩٩ يقولك اختار رقم و اذا طلعلك الرقم اللي اخترته فاتورة الامل يكون مجانا طبعا ما طلع رقمنا 😏
مطعم ياباني Sushi Club سوشي كلوب السالمية
وافل بوتيك
ماكدونالز فرع صباح السالم
مطعم ماكدونالز فرع منطقه صباح السالم مقابل المسيلة ، عجبني ديكوراته و مساحته الكبيرة و خصوصا صالة الاحتفالات الخاصة اللي تسع ١٠٠ شخص ، المطعم كبير وايد و فيه كراسي خارجية و مستخدمين نظام الطلب بالجهاز بدال ما الزبون يوقف دور عالطلب سهل و ممتع استخدامه بجانبه كوزمو و ستاربكس و نوادي صحية اغلبها رجالية
بيتزا زووم بالمرقاب Zoom Pizza
جربت من جم يوم بيتزا زووم و مكانهم بمنطقة المرقاب بالكويت بجانب مطعم سلطاني التركي متخصص بالبيتزا و عندهم تشكيله من الانواع و اللي لفت نظري الحجم الكبير للبيتزا أول مرة أشوف هالقياس و اللي قطعه منها تكفي للشخص
و عندهم توصيل عن طريق ابلكيشن كوريج للأحجام العادية بس الحجم الكبير ما يوصلونها من كبر حجمها فقط للاستلام من المطعم
Zoom pizza telephone 22412090
Or try.carriage for dilevery
مطاعم مركز جابر الاحمد الثقافي – فيلا فيروز
مركز جابر الثقافي بمنطقه الشويخ احدث صرح معماري هندسي افتتح بالكويت و يحتوي على ساحة للعلم و نافورة و مطاعم و كافيهات و من المطاعم اللي جربناها اليوم مطعم فيلا فيروز و هو يعتبر من أكبر المطاعم بمركز جابر المكان وايد جميل و خصوصا بالفترة المسائية وقت عمل النافورة و اللي تشتغل كل نص ساعة ، و ان شاء الله نكتب لكم عن المطاعم الموجودة بالمركز مرة ثانية .