اليوم اخذت شاورما تركية من السيارة المتنقلة سلطاني و اللي كانت واقفة بمنتصف طريق منتزه الخيران ٢٧٨ متخصصين بشورما اللحم و الدجاج و طبعا اللحم كان خالص اخذت لي دجاج عشان اجربها عندهم زحمة و أكثرهم شباب
و بلغونا بأن سيارتهم توقف بهالمكان كل نهاية اسبوع
للاستفسار و لطلب السيارة لاحتفالاتكم الاتصال ٩٨٨١٥٥٦٥
بمجمع السيف شفت محل ألماني متخصص بالزيوت و الخل و البهارات و غيره من المنتجات الاورجانيك و سألت عن منتجاتهم و أخذت منهم خل البلساميك و خل التفاح و خل ريزبيري و كل واحد له طعم مميز و كل واحد مفيد صحيا للجسم و عندهم زيت الاركان بس تقول الموظفة يخلص بسرعة المحل فوق بمجمع السيف بالممر الجديد بين السيف القديم و الجديد
اليوم جربنا الريوق بمطعم ذا كروف بمنطقة المباركية (مكانه عقب بنك التجاري مقابل البورصة بدل سكند كب سابقا)
المكان واايد حلو جميل ديكور مميز ماكو مثله بالكويت ،، كله أشجار حمضيات ليمون أفندي و غيره و صوت عصافير بدل الموسيقى ،،
ويعطي الزبون شعور مريح هادي بعيد عن الازعاج و لمحبي القراءة أنصح بهالكافيه جدا جدا
أمس كنت بجولة بمجمع ٣٦٠ و لاحظت هالعربانة على قاري أو سيكل متخصصة بالقهوة و عندهم البارد و الحار و إعجبتني اللوحة اللي كاتبينها قلت خل أجرب
جربت الكبتشينو اعجبتني و هالعربانة قريبا ممكن تأجرونها و إتييكم بأي مكان و همن قريبا تكون بمول الكوت و الأفنيوز على قول الموظفين
جربت اليوم أحدث مطعم او كافيه تركي فتح من أول أيام عيد الفطر بمجمع الافنيوز فيز ٢ ، جربت الريوق فيه و مكانه بالضبط يم مطعم بنيهانا الياباني و السكة اللي يمين دين اند ديلوكا
و هذي بعض الصور للكافيه و للأكل و عندهم تشكيلة من البقلاوة التركية
DarMdary 