أمس مريت سيتي سنتر بمنطقة الضجيج و اللي حديثا أفتتح ، عجبني المبنى و طريقته مو كبير مثل فرع شويخ اللي يتعب و انت ادز العربانة
عرباينهم جديدة شكلها غير عن المعتاد
ركن اشكبره كله على ٩٠٠ فلس
قسم الاواني المنزلية عجبني هالملال للآيس كريم
و هالشكل حلو
وهذا الركن حلو عجبني
هذا استاند للبرتقال
بالسرداب ركن الاكل و غيره من المنتجات و صورت لكم المنتجات الهندية بالافريزرات و هذا جلاب جامون من حلوياتهم المشهورة
حلويات هندية
ركن الشامبو عجبني مرتب عدل محد تعبث فيه
زيوت الشعر تشكيلة كبيرة
ركن الفواكة و الخضار
ركن البهارات ، هذي الماركة عجيبة للبرياني جربوها لا تطوفكم
المخبز نفسه بكل افرعهم
الدور الثاني فيه ركن ألعاب و مطاعم و هذا اعلانهم
هذا مطعم هندي شكل الاكل لذيذ عنده
الكافيه و شربنه منهم قهوة و الموظفات جدد و شكلهم مرتبكين كان
بوكس الشاي اللي يقدمونه و فيه منه نكهات وايد
بروشورهم اللي يوزعونه أكثره عن المطاعم اللي عندهم ، و المكان بشكل عام حلو لأنه وايد نظيف و المكان ملموم و كلشي فيه و أنصحكم تمرون عليه الصراحة و للعلم يفتح ٢٤ ساعة و هذا الأهم 🙂
DarMdary 