برحلتي الاخيرة بفرانكفورت جربت مطعم صيني ياباني و عنده اطباق اخرى ، يقع المطعم بمجمع ماي زيل بأهم شارع تسوق بفرانكفورت ، اتكلم عن المجمع تصميمة غريب و هندسي و كله زجاج ، و يعتبر من أشهر المولات بفرانكفورت و اللي يسافر فرانكفورت ضروري يمر عليه
المطعم فوق و يمه أكثر من مطعم و اللي يميز المطعم انهم يجهزون كل شي بوقته فرش و عشان جذيه الاطباق الرئيسية اشوي اتطول بس تستهال النطره
زيارتي لأوتلت بألمانيا بالباص من فرانكفورت ، أخذنا باص خاص للقرية يوصل مرتين باليوم للأوتليت و يحرك من جدام محطة القاطارت الرئيسية بفرانكفورت الساعه تسع و نص الصبح أو وحده و نص الظهر ساعه تقريبا التذكرة للباص ذهاب و عودة ب عشرين يورو
و من تدخلون فيه وايفاي انترنت فري
و هو من سلسلة القرى للأوتليت المنتشرة بأوربا مثل
Bicester Village London
La Vallèe Village Paris
Ingolstadt Village Munich
Fidenza Village Milan
Las Rozas Billage Madrid
Kildare Village Dublin
Maasmechelen Village Barcelona
رحلة تستحق الزيارة لمحبي التسوق
و فيه كافيه وهمن فيه مطعم ايطالي تغدينا فيه
مواعيد الاوتلت من ١٠ص لغاية ٨ مساء
الاحد مغلق
Www.wertheimvillage.com
جربت مطعم تركي تريقت فيه بمنطقة القصباء بالشارقة ، منطقة القصباء أو قناة القصباء أهم المعالم السياحية بالشارقة بدولة الامارات العربية المتحدة افتتحت سنة ٢٠٠٠ و هي قناة تربط بحيرة خالد ب بحيرة الخان .
المطعم التركي اسمه اصلي بورك asli börek المطعم مستواه جيد و اليكم صور المكان و المطعم
أمس إنعزمت بمطعم بورد ووك ب خور دبي ، المطعم مبني على مكان مثل الأسكلة فوق البحر معلق وايد المكان حلو واهو بمنطقة خور دبي يدخلون لها مقابل سيتي سنتر دبي القديم ، المكان وايد عجبني و راقي و عندهم نادي للأطفال للي حابين يخلون عيالهم يلعبون وقت أكلهم ، همن بالمطعم عندهم قارب على شكل دونت يسوون فيه باريكيو و يمشي بالخور حلوه فكرته و يونس مع الجو الجميل هالأيام
رقم تلفونهم للحجز
042956000
و المطعم قريب من فندق بارك حياة و همن الفندق وايد هادئ و حلو جدا
من زمان فتح مادو كافيه ، قهوة شهيرة بتركيا و معروف عندهم الآيسكريم التركي المعروف و الكنافه التركية و العديد من أنواع البقلاوه التركية ، اليوم جربت الريوق فيه و الجو العام جيد و المنيو فيه تشكيله كبيرة من السندويشات و الاكلات التركية اللحوم و الحلويات
فرعهم بالبدع مقابل منطقة الرميثية
مواعيد المطعم من الساعه ٨ صباحا لغاية ١١.٣٠ مساءا
اكاونت الانستغرام madokuwait
جربنا اليوم مطعم سفرطاس بمجمع الكوت مقابل النافورة و بجانب مطعم ورد الزعفران
المطعم بالنسبة لي أكله عادي مثلا طلبنا برياني دجاج العيش أصفر بس و حمسة دجاج فوقه ما يوحي إنه برياني و نفس العيش حطوه مع مرق البتر جيكن
بمجمع السيف شفت محل ألماني متخصص بالزيوت و الخل و البهارات و غيره من المنتجات الاورجانيك و سألت عن منتجاتهم و أخذت منهم خل البلساميك و خل التفاح و خل ريزبيري و كل واحد له طعم مميز و كل واحد مفيد صحيا للجسم و عندهم زيت الاركان بس تقول الموظفة يخلص بسرعة المحل فوق بمجمع السيف بالممر الجديد بين السيف القديم و الجديد
بزيارتي الأخيرة لباريس مريت أقدم محل حلويات و كيك بباريس و اللي تأسس سنة ١٧٣٠ ، و اللي لاحظته بالمحل صغره بس تشكيلة الجاتوهات و الحلويات لا يعد من كثرته و يسوون انواع غريبة و الإكلير عندهم فازت بألذ إكلير بباريس و طبعا ما فوت هالفرصة و شريت منها و صج اكلير مميز
Stohrer Patissier Address: 51 rue Montorgueil – 75002 Paris Tel: 0142333820
بعد يوم حافل في التسوق في مجمع استينيا بارك قررنا ان انتغدا قي مطعم بورصا التركي لازم اتجربونه عجيييب
من اجمل الاماكن اللي تريقنا فيها في اسطنبول هو مطعم و كافيه مادو، المطعم معروف و مشهور في اسطنبول و باقي مناطق تركيا وهذا الفرع الاكبر مقابل البحر و يتكون من ثلاث ادوار و كلها علي البحر</stron
DarMdary 