اليوم جربنا كافيه هارفي نيكولز الفرندا و وايد عجبنا المكان كنا امفكرين انه صغير طلع وايد شرح و ديكوره وايد عصري و حلو كانت الزياره سريعه
شوربه القرع حلوه بس فيها وايد كريمه
سلطة الفتوش لذيذة
الزياره مثل ما قلت كانت سريعه و كان الوقت متأخر بس لنا زياره ثانيه مع باقي البنات بإذن الله
كافيه فرندا فوق هارفي نيكولز بجراند افنيو و له مدخل بروحه و مصعد خاص
الراعي الرسمي بنك بوبيان
أحدث أفلام المركز العلمي ثري دي البطاريق و اللي يتكلم عن زوج من بطاريق نوع الملك و الفلم من أحدث الافلام و اللي اخذ مده ١٤ شهر لتصويره بمناخ بارد بجزيره ساوث جورجيا
أنصح جدا بمشاهدته و للمعلومات الثرية عن حياة البطاريق و كيفية تأقلمها مع بيئتها الباردة
الفلم سيعرض اعتبارا من أول يوم لعيد الفطر السعيد ٢٠١٣ بالمركز العلمي السالمية
وصلت للبلوق دعوة من المركز العلمي لحضور العرض الاول للاعلاميين و الصحفيين و سيعرض للجمهور بأول أيام عيد الفطر
و سأتكلم عن الفلم لاحقا و كل عام و أنتم بخير و تقبل الله طاعتكم
DarMdary 