أفتتح أمس محل تويز آر أص بشويخ على الدائري الرابع قبل مركز سلطان ، المحل ارضي و سرداب و أول ، فيه كل ما يحلم به كل طفل و طفلة و حتى الكبار يحبون يوفرون و يشترون الالعاب و غيره لأحبابهم ، المحل حلو و مرتب و فيه ركن لملابس الاطفال ، و الالعاب الخارجية كالمراجيح و الدوارف و غيره
طاولات الكاشير على شكل قطار
أفتتح اليوم الاثنين جراند افنيو للجمهور الساعه ١٠ صباحا و إليكم هذه الصور للمحلات المفتوحة و اللي ستفتح قريبا
رئيس مجموعة الشايع و شركة المباني محمد عبد العزيز الشايع مع المدراء
الباب الثاني
بإنتظار الافتتاح
قريبا
ما شاء الله ستاربكس اثنين
قريبا ديور
منطقة برستيج الخاصة للماركات الفارهة
و كدزينيا قريبا و متوقع إفتتاحه على بداية السنة الجديدة
مجمع واااايد حلو و نفتخر فيه و عمار يا كويت و الله يعطيكم العافية يا الشايع على هالإنجاز اللي يبيض الوجه
اليوم جربنا كافيه جلاتيسيمو ، و هو الفرع الثالث لهم بالكويت ، الفرع الأول ب ذا فيليج و الثاني ب الليوان، بمنطقة العقيلة ،
و يتميز آيسكريمهم بنكهاته المتنوعة ، و اللي معروض بثلاجتهم ٣٢ نكهة و كل يوم يغيرون جم نكهة لأنه عدد النكهات اللي يسوونه ٥٦ نكهة
كاكاو بالبندق و اللي وراه كاكاو بالفلفل 🙂
نكهة البيريز ، أخذت منه وايد حلو
الكاكاو و اللي وراه طعم الدونت
هذا محلبية جربته وايد حلو محلبية صج
و عندهم كافيه و كيك و ميلك شيكز ، الصراحة الآيسكريم مالهم وايد وايد وايد حلو و راح أعيد الكره مرات و مرات يممي صج لذيذ، و عندهم طبعا بدون سكر ، و باليوجرت .
أفتتح من فترة قصيرة بمجمع ما رينا مول السالمية محل متخصص بكل شي رياضة ، من ملابس و معدات و أدوات و كل شي كل شي ، المحل فرنسي و موجود بأغلب الدول الاوروبية و أسعاره وايد مناسبة و جودة
و صورت لكم اللي اقدر عليه و كان ودي أكثر
المحل مكان فيرجن قبل
ملابس نسائية
الاخيام عندهم كل الاحجام و وايد حلوين
السليب باجز كل الانواع
أحذية رول إسكيت
شغل صيد البحر
أرضيات للأحذية الرياضية
تذكرون هاللعبة ، صارت إلكترونية و الله زمان
لبس الكراتيه و الجودو
لكل الأعمار
كرة للجم وايد ممتازة للظهر
المحل بمجمع مارينا مول – السالمية – مكان محل فيرجن
و عقب الريوق دخلت اتمشى بدين اند ديلوكا و عرض ثلاجات الكيك و الحلويات حده مشهي
حلويات تركية
الماكرون شكل ألوانه عجيب
الكب كيك يهبل
يايبين قرع امريكي الصغيرة بخمس دنانير و يحفرون عليها ببلاش و القرعة الكبيرة بتسع دنانير و اشوي
دين اند ديلوكا الافنيوز بمخل فيز تو
شفت بجمعية الشامية ثلاجة جدام الكاشيرية للسوشي و الماكي لمطعم أوشي الياباني
طبعا هالأكل لمحبين الياباني و اللي يدمن عليه ما يقطعه
http://www.oishii-kw.com
55990505
مشروع لمنتجات كلها صديقة للبيئة وأفكار حلوة و مفيدة منها شنط و ملابس قطنية و أكواب و غيره من المنجات اللي تصلح تكون هدايا حلوة
آخر صورة لعلبة فيها ملابس مولود على شكل بوكيه ورد و فيه منه ثلاث ألوان
للمزيد من المعلومات الاتصال 50001298 twitter : D2E_Q8 instagram : d2e_q8
تم اليوم السبت إفتتاح معرض وايت اكسبو المميز و اهو المعرض الخامس لهم ،
تحت رعاية الشيخة / فريال الدعيج الصباح
و عدد من الشركات الراعية للمعرض الخيري و اللي هالسنة تميز ديكورهم بإستخدام مواد المعاد تصنيعها ريسايكل و اللون الأخضر بكل مكان ، و الأشجار الطبيعية المعروضة بالمعرض كلها للبيع و أكثرها شجر مثمر و يشوق
شجرة الأمنيات للأطفال
شجرة المانجا عجيبة ما شاء الله
و ان شاء الله راح نكتب عن المشاريع المشاركة المميزة كل مشروع ببوست لوحده عشان يأخذ حقه
شركة لبنان و المهجر شفتهم الاسبوع اللي طاف بمعرض مشرف و حبيت اذكر لكم فوائد للتلبينة و الانواع اللي عندهم و منتجات الشعير الصحية ، قهوة الشعير مع النخالة ،
و التلبينة عندهم بنكهات مثل بالينسون و الكراويا مع النخالة ، بحبة البركة ، بالزنجبيل و الدارسين ، بالكاكاو و غيره و عندهم قهوة الشعير مع النخالة الملينة للإمساك و قهوة الشعير التركية مع النخالة المهدئة تساعد على النوم و الاسترخاء
لمعرفة المزيد و لخدمة التوصيل الاتصال. 99707059 – 99618135 – 25748448
زرت معرض الغذاء و الأواني المنزلية بمنطقة مشرف الكويت ، جم مرة و أكثر شي عجبني و أخذنا منه لشهر رمضان أهو شراب مركز للتوت و البلوبيري
بوث الشركة
هذي شكل المركز انا وايد عجبني ما فيه أي ألوان و نكهات صناعية و بدون سكر
و حتى تجهيزه ما يحتاج زيادة سكر تقريبا ٣٠-٤٠ ملل منه تقريبا استكانه شاي مع ست أكواب ماء بارد ، وفيه منه بالتوت و البلوبيري و الورد و الرمان و الليمون ، و مذكور عليه انه مخصص للي فيهم مرض السكري
ومتوفر هالايام بمعرض الغذاء بشعر ترويجي عشان السوق يتعرف عليه
وبوث الشركة يبيعون. أنواع من حليب الصويا و مربيات خالية من السكر لذيذة وأغلب منتجاتهم صحية
منتجاتهم متوفرة بمركز سلطان و كارفرر
و عندهم خدمة للتوصيل الاتصال على رقم الشركة 22441603 – 65652564 – 99862993
DarMdary 