أفتتح أمس محل تويز آر أص بشويخ على الدائري الرابع قبل مركز سلطان ، المحل ارضي و سرداب و أول ، فيه كل ما يحلم به كل طفل و طفلة و حتى الكبار يحبون يوفرون و يشترون الالعاب و غيره لأحبابهم ، المحل حلو و مرتب و فيه ركن لملابس الاطفال ، و الالعاب الخارجية كالمراجيح و الدوارف و غيره
طاولات الكاشير على شكل قطار
اليوم جربت قهوة لأحدث ماكينة و بالكويت
و الوحيده بالشرق الأوسط موجودة بستاربكس جراند الأفنيو أحدث توسعة لمجمع الافنيوز
أفتتح اليوم الاثنين جراند افنيو للجمهور الساعه ١٠ صباحا و إليكم هذه الصور للمحلات المفتوحة و اللي ستفتح قريبا
رئيس مجموعة الشايع و شركة المباني محمد عبد العزيز الشايع مع المدراء
الباب الثاني
بإنتظار الافتتاح
قريبا
ما شاء الله ستاربكس اثنين
قريبا ديور
منطقة برستيج الخاصة للماركات الفارهة
و كدزينيا قريبا و متوقع إفتتاحه على بداية السنة الجديدة
مجمع واااايد حلو و نفتخر فيه و عمار يا كويت و الله يعطيكم العافية يا الشايع على هالإنجاز اللي يبيض الوجه
اليوم العصر جربت اتغدا بالحمرا بمطعم اتاشمنت الايطالي ، و طريقه تقديم الاكل عندهم بصحون من ورق و الحلو بالمطعم السرعه ، و أكله واااايد لذيذ و عجبني و راح أكرر زيارته مرة ثانية و ثالثة
وطبقي كالتالي
السلطة عجيبة
هذا مو حقي حق اللي معاي
أسعاره مو رخيصه بس لذيذ و أطباقه مميزه
اليوم جربت المطعم الجديد الياباني بمنطقة القبلة (مكان وسابي قبل) و اللي أفتتح قبل شهر تقريبا
مدينة الكويت ، القبلة ، برج المشورة ، بجانب بنك HSBC
وخدمة التوصيل 22461882-22461884
اليوم جربنا كافيه جلاتيسيمو ، و هو الفرع الثالث لهم بالكويت ، الفرع الأول ب ذا فيليج و الثاني ب الليوان، بمنطقة العقيلة ،
و يتميز آيسكريمهم بنكهاته المتنوعة ، و اللي معروض بثلاجتهم ٣٢ نكهة و كل يوم يغيرون جم نكهة لأنه عدد النكهات اللي يسوونه ٥٦ نكهة
كاكاو بالبندق و اللي وراه كاكاو بالفلفل 🙂
نكهة البيريز ، أخذت منه وايد حلو
الكاكاو و اللي وراه طعم الدونت
هذا محلبية جربته وايد حلو محلبية صج
و عندهم كافيه و كيك و ميلك شيكز ، الصراحة الآيسكريم مالهم وايد وايد وايد حلو و راح أعيد الكره مرات و مرات يممي صج لذيذ، و عندهم طبعا بدون سكر ، و باليوجرت .
في محل لحلوى عمان الخضراء بجمعية الخالدية خلف الكاشيرية ، شفت عنده حلوى قاعد يصبها بحافظات حرارة صغيرةميني كلش الواحد ياكل كل اللي فيه بقفشة وحده ، يبيع الدرزن ب ٨ دنانير و يحطهم بعلبة امرتبة و عنده علب تشيل أكثر
و يبيعون حلويات ثانية مثل الرهش و الدرابيل و الكيك وكل تغليفهم امرتب و يصلح للهدايا
أمس كنت بجمعية الخالدية بالميزانين ، شفت مشروع كويتي وايد حلو و كل شغلهم مميز ،. يبيعون أواني للتقديم و صناديق خشبية حلوة تصلح للإكسسوارات و البخور و غيره ، و الأهم من هذا أسعارهم مناسبة
تعليقات للمطاطير
المشروع وايد حلو و مكانه بجمعية الخالدية ،محل بينيتون قبل
DarMdary 