أمس بليل عقب ماوصلنا فيينا عشانا كان في مطعم فابيانو و هالمطعم في فرع بدبي كنت امجربته هناك ، طبعا كنا يواعه وايد و انا أخذت معكرونه سمرا مع بيستو و خضار و اللي يونس بالمطعم طاولاته عليهم شتلات ريحان و اكليل الجبل للي يحب يقطع و يزيده على اطباقه
المطعم لذيذ و تجربه بالطلبات مختلفه عن باقي المطاعم
المطعم متخصص بالبيتزا و المعكرونة و السلطات و غيره من الحلويات
أمس الصبح جربت كافيه بباريس انجليزي و هو يعتبر من أحدث الكافيهات اللي قاعده تنتشر بسرعه في فرنسا ، أخذت منهم كافيه و جيزكيك بطعم الليمون وايد كان لذيذ ، و طبعا عندهم سلطات و سندويشات و شوربات و حلويات أنواع وايد و عجبني المكان شرح و هادي
الجيزكيك اللذيذ
هذا اسم الشارع اللي كانت القهوه فيه و هالشارع متفرع من الشانزليزيه
إذا عزموا يفتحونها عندنا لها مستقبل و نجاح
اشعندنا غير هالسوالف لووول
اليوم في باريس مريت كافيه متخصص بالفواكة والأكل اللي أغلبه فيه فواكة و عجبني المكان
أخذنا فروزن يوجرت و آيسكريم و كلهم عليهم فواكة على إختيار الزبون
لاحظوا الوافل مستخدمينها للسلطة
le paradis du fruit
32 avenue de Wagram – 75008 Paris tel. 0144090202
le paradis du fruit website
جربت مطعم الملا
ببورصه و المشهور عند الخليجيين و العرب
عنوان المطعم yildirim Mah. Yildirim Cad. No:13 / Bursa
(0224)3614242
web site مطعم الملا ببورصه
جربت الغدا بمطعم الملك المشهور عند العرب و أول ما دخلت المكان كلهم يتكلمون عربي و إصور المشاهير على الحوائط ، عندهم مشويات و أكل تركي
تجربه المطعم جيده و كان الاكل وايد
عنوانهم : Haskral Fatih iskenderpasa Mah. Sofular Cad Ragip Bey Sokak No:25-27/A – Aksaray – Fatih / ist
(0212) 5349707 -08
Haskral website
أفتتح من فترة قصيرة بمجمع ما رينا مول السالمية محل متخصص بكل شي رياضة ، من ملابس و معدات و أدوات و كل شي كل شي ، المحل فرنسي و موجود بأغلب الدول الاوروبية و أسعاره وايد مناسبة و جودة
و صورت لكم اللي اقدر عليه و كان ودي أكثر
المحل مكان فيرجن قبل
ملابس نسائية
الاخيام عندهم كل الاحجام و وايد حلوين
السليب باجز كل الانواع
أحذية رول إسكيت
شغل صيد البحر
أرضيات للأحذية الرياضية
تذكرون هاللعبة ، صارت إلكترونية و الله زمان
لبس الكراتيه و الجودو
لكل الأعمار
كرة للجم وايد ممتازة للظهر
المحل بمجمع مارينا مول – السالمية – مكان محل فيرجن
اليوم تريقت بدبي مول بشيز كيك فاكتوري و عندهم بيوم الجمعه أطباق لهذا اليوم بس ، يفتح الصبح الساعه عشر ، و بثواني انترس ما شاء الله
ما لذ و طاب من الكيك اللذيذ
طلب اومليت بالخضار و وايد حلو الافوكادو فيه
و طبعا لازم الواحد يختمها بكيكة جبن لذيذة و هذي ريد فلفيت جيزكيك و أطباقهم وايد كبيرة و ممكن كل اثنين بطبق واحد
فاتورتنا بالاخير و كانت تجربة جميلة للمطعم و سأكررها بإذن الله
المطعم بدبي مول مقابل الاكواريوم
سوق شعبي في النمسا اسمه nascht markt, اللي يبيعون فيه من جنسيات مختلفة وبضاعتهم مشكلة،خضراوات ،بهارات،اجبان،حتى انواع مخللات عندهم ،وزهووور طبيعية ورخيصة وجميييلة.
جربت مع عائلتي فندق سوفيتل الزلاق البحرين و مركز علاجي تالاسا سي و سبا
المنطقة على البحر و اهيه على طريق حلبة الفورمولا ، نفس شارع جامعة البحرين
هالصورة من صوب البحر
عجبني باللوبي غرف ديزاينها على نظام الدوانية و تصاميمها خليجية حلوة
مدخل لمطعم صيني
اسم احد مطاعمهم
وهذا بعد مطعم
هذا اللوبي بليل ليتاته اتونس
هالثريا باللوبي ضخمه و تصميمها حلو وايد
الفندق فيه ٢٦٢ غرفة ،مقسمة كالتالي جناح ملكي واحد ، ٦ اجنحة اوبرا ، ٢١جناح بريستج ،
٢٠٢ غرف لوكسري ، ٥ مطاعم ، قاعة احتفالات ، غرف اجتماعات ، نادي لأطفال ، طبعا السبا بماي البحر
الفندق وايد حلو و انا عجبني بعيد عن الزحمة و تقريبا ربع ساعه عن منطقة السيف بالمنامة ، وحق اللي يبي بحر و حمامات سباحة ، قبل الفندق اكو جم مطعم و جمعية منهم فدريكرز و مكدونالز و كوستا كافيه ينفعون حق الطوارئ
اخذنا غرفتين يم بعض و بينهم باب خارجي يتسكر وعقب الواحد يسح جنه بشقة ام غرفتين ، امسوين عرض الصيف مع ريوق و خصم للسبا ، طلع كل حسابنا ٣٦٢ دينار بحريني حق ليلتين
للحجز و الاستفسار رقم الفندق
+973 17 636363
DarMdary 