تجربة لي ، فريدة من نوعها ، عشت اكثر من ستين دقيقة و أنا سلطانة بأيام العثمانيين ، بخاطري من زمان و عقب من عشقت الحياة العثمانية و ترفهم أخذت موعد بفندق زعبيل سراي اللي بنخلة جميرا والفندق على تصميم القصور العثمانية و كل جوه عثماني يا سلام

لوبي الفندق

مدخل السبا

خزائن الملابس

طبعا الصور الأخيرة من سايتهم لأنه صعب التصوير داخل أكو وايد حريم

ما شاء الله عليها اللي سوت لي خبيرة تونسية بالمساج و الفيشال و الحمام التركي إسمها زهره و أي وحده حابه تروح تطلبها بالإسم إتعرف عاداتنا و وايد حبوبة و تنصح – مشكوره يا زهره برشا برشا – ما أدري اشلون أشرح لكم شعوري و تجربتي الفريده لأن أول مره احس انه الكل شايلني ، الخدمة و الحمام التركي وايد ، جك ، برشا عجييييب و يستاهل التجربة و أي وحده بتروح دبي لا اتطوف تجربة الحمام السلطاني
و اللي جربته اسمه الرويال عثمان ستين دقيقة

للحجز قبلها لأنه زحمه
00971-44530456
http://www.jumeirah.com