قصتي مع تربية القطط (الجزء الأول) من كثر ما حنت بنتي الكبيرة على القطاوة و تبي اتربي قطوه حصلنا على قط و إخته و سميناهم أسامي وايد بناتي يسمون الولد جنجر عشان لونه مثل الزنجبيل و أبوهم سماه سلوم عشان انكسرت اريوله عقب ما يبناه بجم يوم فكان يعرج و أخته سميتها أنا سبجووه لايق عليها لون شعرها إمشيب رصاصي بأبيض ، المهم عشان ما أطول عليكم بما إنه موضة مسلسل حريم السلطان يت لنا قطوة شيرازية بيضا هيام خانم و شبت الحرب بالبيت و الغيرة سبجوه حاشتها حالة نفسية سيئة كل ما شافتهم يم بعض تطلع من الغرفة و قامت ما تاكل ضيقت خلقي مسكينة و حتى قامت اتطق أخوها كل ما بغى ياكل يمها استمرت الحرب بين الإثنتين الحريم شهر تقريبا ، و عقب فترة طخوا و تونا من جم يوم قالي البيطري أنهم حمل ثنتينهم و عقب شهر الولادة و قال يمكن كل وحدة فيها أكثر من ثلاثة الله يستر و يقومهم بالسلامة

السلطان سلوم (جنجر)

سبجووه (الحرمه الأولى)

الحرمه الثانية الولود و همن كل يوم لها إسم