مطعم كل نار ايراني لبناني،،في البدع اكلهم طيب بس مو كل انواع الكباب طيبة،لازم تجربون والناس اذواق.عندهم عصاير فريش لذيذة ؛رمان ،رقي،ليمون…. .

من ألذ المطاعم بالكويت و اللي عنده كذا فرع و أخيرا فتح فرعه بسوكو الافنيوز يتميز المطعم بتشكيلة من الاطباق الايطالية المطورة و اللذيذة شنو أبدي فيه السلطة وايد كانت لذيذة و مو أول مرة أجربها جربتها سابقا بفرعهم ببرج الحمراء و هالمرة طلبي اختلف للطبق الرئيسي و همن وايد عجبني و عجب بو العيال كان صدر دجاج مشوي و محشى بداخله جبن و طماط مجفف و أخذت معاه خضار سوتيه وايد لذيذه ، و من المقبلات همن جربت الربيان و عندهم منير للأطفال أخذت لها سباغيتي اعجبتها و بنتي الكبيرة جربت الريزتو بالمشروم و الدجاج تقول عنه عجيب أنصح بالمطعم بشده و راح اعاود الكره باذن الله مرات و مرات يممممي

ديكور المطعم كله مقلوب فوق تحت

مقبلاتهم جبزه خفيفه كلش نصها صلصه طمام و النص الثاني جبن مع مشروم

السلطه اتشابه السيزر بس معاها خضار و صلصتها حاره وايد لذيذه

طبق مقبلات برجر صغار مع خبز خفيف جدا

الاطباق كلها عجيبه بس هذا الطبق العجيب يميي

افرعم بالافنيوز و ببرج الحمرا بس هذا الفرع خدمته سريعه و الصحون من ورق و الفرع الاول كان بالمنقف

جربت العشا بمطعم سي عمر المصري بسوق الافنيوز و المشهور بأكلاته المصرية
طريقة تقديم الاكل إعجبتني و الاكل راهي و وايد يعني اذا كان معاك بالطاولة أشخاص وايد يونس للمشاركة بالاطباق أنا طلبت كشري كطبق رئيسي و بو العيال طلب إسكالوب بانيه دجاج و كان حجمها بالصحن رهيب :))
طلبنا عصير ليمون بالنعناع حلو عجبني بارد و مثلج
و مقبلاتنا كانت صحن فول و طعميه فلافل ، اثنينهم اعجبوني بس الطعميه أكثر

صورة سعاد حسني و كله مشغلين غناويها مالت الافلام

صور من المينيو مالهم و صورته لكم للكلمات اللي مستخدمينها مصرية بحتة لووول

الضيافه مالتهم كلاص ترمس

الاسكالوب الضخم بو العيال ما اعجبه طبقة البقصمات اللي عليها وايد سميكة جنها خبزة

الكشري كان لذيذ عجبني ، أنصح فيه للي يحبون الأكل المصري

من أشهر المطاعم بالكويت و المعروفة مطاعم فندق الشيراتون منها مطعم الحمراء و الطربوش اللبناني، بخاري الهندي ، و ريكاردو الايطالي و شهريار الايراني و حديثا افتحوا اربع مطاعم بجراند افنيو بموقع جميل

سلة الخضار

خيار بالروب و سلطة شهريار

دجاج مشوي وايد لذيذ

الاكل كله لذيذ و وايد انصح فيه و طبعا مطاعم الشيراتون لا يعلى عليها