قمت أحاول أكتب لكم كل تجاربي مع كافيهات فيينا قبل لا أسافر منها و هذا واحد من أقدم و أشهر الكافيهات كافيه چيرستنر بشارع كيرتنر و هذا الشارع مقابل مبنى الاوبرا المشهور بفيينا و أول على اليمين ستاربكس كافيه و على اليسار كافيه صخر و بنص الشارع داخله في موجود كافيه مشهور قديم يحبونه الخليجيين و الكويتيين بالصيف

من أقدم الكافيهات بفيينا كافيه هوفبورج الملاصق بقصر و المتحف للأميرة سيسي و عندهم تشكيلة من الجاتوهات و الحلويات

طبعا ما عندي غير الكافيه لاتيه و اذا بغير كبتشينو ههه

و هذي قهوة ثانية تعتبر من أقدم المقاهي عندهم و مشهورة بتارت الجوز واسمها كونجرس تارت و تقدم مغلفة بعلبة مثلثة

كل مره نطلع نتمشى بفيينا لازم انريح بوحده من القهاوي اللي ما شاء الله مليانة شوارع فيينا فيهم ، و هذي قهوة تطلع على نهر الدانوب و زحمه عليها و يفضل الاتصال عليهم لحجز طاولة مقابل النهر و اللي يروح بدون موعد اهو و حظه ما يلقى إلا داخل القهوه و هذا اللي صار معانا لقينه طاولة وحده بس و الباقي كله محجوز

آخر صورة واضح فيها العنوان و أرقام الحجز