جربنا من جم يوم مطعم ايطالي بمجمع دسمان بالسرداب ( مجمع دسمان مشهور في مكتبات و شركات و خطاطين) المطعم ديكوره حلو وايد، المطاعم و الكافيهات زادت بكثرة بمدينة الكويت و خصوصا منطقتي شرق و المرقاب و أكثرها مطاعم و كافيهات شبابية ،، التجربة كانت جيدة و الأكل لذيذ
أمس جربت مطعم ايطالي لذيذ في مروج -مروج منطقعه مطاعم و محلات تسلية في منطقه صبحان مقابل الدائري السادس بجانب فندق صحارى ، طبعا في مطاعم وايد (ايراني ، كويتي ، هندي ، تركي ، ايطالي ، فرنسي ، تايلندي و غيره من الكافيهات )
تراباني إسم مقاطعه في ايطاليا ، و ديكور المطعم و تصميمه ايطالي و المشهور بهذا المطعم حجم أطباقه المتوسطه والفكرة هي المشاركة و تذوق تشكيله كبيرة و متنوعة من الاطباق هالمطعم ثالث مرة أجربه و يستاهل زيارات ثانية و ثالثه
عندهم خدمة توصيل عن طريق ابلكيشن كاريدج
اليوم جربت مطعم ايطالي بمجمع ٣٦٠ فوق نفس دور السينما و اهو داخل مقابله نافورة جديدة و حدايق و ديكورات جديدة للمنطقة وايد القعده حلوه و شرحه واسم المطعم مارغريتا و هذي بعض الصور للمكان والاكل كان لذيذ وطبعا راح أجرب اطباق ثانية بزيارة اخرى
و عندهم فرع ثاني بمجمع ذا جيت بالعقيلة وعندهم طريقه للدفع اييك الجرسون وقت الدفع معاه سلة صغيرة فيها ارقام من ١ لغاية ٩٩ يقولك اختار رقم و اذا طلعلك الرقم اللي اخترته فاتورة الامل يكون مجانا طبعا ما طلع رقمنا 😏
أمس جربت مطعم سوشي كلوب و عندهم فرع واحد بالسالمية مكانه بعد فرع جمعية السالمية عالبلاجات عاليمين ،، أول مرة اجربه و عندهم تشكيله كبيرة من السوشي و الرول و عندهم باقي الاكلات اليابانية المعروفة كالتبنياكي و الترياكي و أنواع الارز
جربت من جم يوم بيتزا زووم و مكانهم بمنطقة المرقاب بالكويت بجانب مطعم سلطاني التركي متخصص بالبيتزا و عندهم تشكيله من الانواع و اللي لفت نظري الحجم الكبير للبيتزا أول مرة أشوف هالقياس و اللي قطعه منها تكفي للشخص
و عندهم توصيل عن طريق ابلكيشن كوريج للأحجام العادية بس الحجم الكبير ما يوصلونها من كبر حجمها فقط للاستلام من المطعم
Zoom pizza telephone 22412090
Or try.carriage for dilevery
محل زري انترناشيونال ببرج التجارية ، محلهم بالميزانين ٢ ، عندهم استكرات ضد الماء للمدارس و ل لوازم المدارس و تعليقات للشنط و كرنيهات للتلاميذ و عندهم تشكيله كبيرة من كروت الثري دي للمناسبات و تشكيله كبيرة من منتجات چورجس الانجليزية شنط مقالم و ابواكه ،، و جديدهم ورق ديكوباج ايطالي ،،، لا يطوفكم محلهم يشوق و يونس و وايد فيه شغلات
اكاونت انستغرامهم @zaristicker
Www.zaristicker.info
تلفون محل زري 22968512 -97987667
عنوان محل زري استكرز بالكويت – شارع السور برج التجارية -مقابل حديقة الشهيد
ميزانين ٢ محل رقم ٣٠
اليوم مريت محل لذيذ للحلويات إسمه ذا باستري شوب عنوانه ميدان حولي مقابل خط الفحيحيل السريع و مقابل نادي القادسية ، متوفر عندهم تارت و باي و حلويات لذيذة ، مكان هادئ و طبعا لذيذ عندهم سندويشات و سلطات
أكاونتهم بالانستغرام
@thepastryshopkw
Tel: 97305858
جربت اليوم العشا بمطعم ذا كاونتر مطعم متخصص بالبرجرز و الحلو انه الشخص يختار كل مكونات البرجرز حجم اللحم و نوعه دجاج او لحم و المكونات الثانية مثل الصلصات و الخضار. اللي تضاف عليها و طريقه جديدة و هالمطعم تابع لشركة أمريكا ( الخرافي) و اللي عندهم سلسلة مطاعم كثيرة بالشرق الاوسط
اليوم جربت مطعم چووي جوري choowy goowy بمجمع التلال ، داخل ٥٢ ديجري
و الصراحة هذي أول مرة أجرب المطعم ، چووي جوري إشتهر بالكووكيز ماله
الريزيتو بالصلصة الورديه حلوه مو ما الملح اللي فيها !!
عنوانهم مجمع التلال – الشويخ
ب ٥٢ ديجري
اليوم جربنا مطعم بوبو الإسباني بعمارة الغنيم ، خلف الشيراتون مقابل عمارة الوطية ، ديكوره حلو و اتوقع بالنهار يكون أحلى و الصراحة صورت اصور وايد للحلويات و الأكل
الحلويات وايد و تشكيلة اتشوق و هالصورة لكيكة حجمها يكفي اعشرة اشخاص تقريبا
السلطة اللي طلبناها جرجير و معاها كافيار
تشكيلة الاكل اكثره مقبلات و الكميات اشويه بس لما الواحد يشكل يشبع ، على الاقل ما يبقى شي بالصحن لوول ،،، و آخر شي سخن أهو البايلا بالدجاج لذيذة و نفس طعمها بأسبانيا
اخترنا ثلاث انواع جاتوه و هذي صخر كيك – الكيكة النمساوية المشهورة
لذيذة هذي بعد
الملفيه كانت خطيرة وايد حبيتها
تلفون المطعم 22288100
موقع بوبو
DarMdary 