امس جربت مع اهلي مطعم اونو بمجمع المطاعم بمشرف بجانب نادي اليرموك و كنا يواعه و اشوه كان الاكل لذيذ، المكان قريب خصوصا لسكان مشرف و بيان و فيه اكثر من مطعم عجبني المكان شرح و حلو

اليوم بالدوام امدحولي حلويات تركية و طلبت منه اسم المحل بقلاوجي عندهم خدمة توصيل و الصراحة إعجبتني وااااايد أكثر من حلويات اسطنبول نفسها هناك بتركيا ماذقت جذيه الصراحة
و الكنافة عليها قشطة و فستق و يابوها دافية حدها لذيذة

ميدان حولي ٢٥٦٣٥٤٥٤-٩٠٩٨٥٠٦٠
سوق العارضية ٩٠٩٨٥٠١٤

اليوم بالافنيوز لفت انتباهي ستاند كبير داخل محل فانتسي وورلد لحلاو جيلي بيلي يباع بالجرام ، شكله يشوق و ١٠٠ جرام بدينار

الامية جرام تطلع تقريبا خمطة اليد ، يعني مو وايد ، أخذت لي نكهة قهوة اللاتيه و طعمه حلو ، و المعروف عن هالحلاو نكهاته المركزة بقطعة صغيرة من الجلي

موقع جيلي بيلي

اليوم جربت لأول مرة مطعم الصنوبر اللبناني بشارع البلاجات بالسالمية ، أول ما دخلنا إسالونه الموظفات أرجيله طبعا ردنا لأ فودونه فوق حق اللي ما يبون أرجيلة ، والمكان كبير و ديكوره حلو

الحمص كان عادي كلش

خيار بالروب حلو عجبنه وايد و السلطة جرجير بالزعتر همن حلوه

فتة باذنجان لذيذة انا حبيتها

البطاطه الحاره همن لذيذة

الشيش طاووق كان شكله لذيذ بس لما أكلنه منه اكتشفت كل ملح البحر فيه ، وااايد مالح

وعندهم ريوق الصبح يبدي الساعه ثمان ونص و هذي تجربت اليوم و علينا و عليكم بالعافية مقدما

مطعم الصنوبر – شارع البلاجات اول مدخل – السالمية 25715123- 25755205 وخدمة التوصيل 1847847