Category Archives: Public

شامل

جوان1

Lakeland @ Marina mall kuwait ليكلاند

Posted on 01/06/2012 by amhouly

زرت اليوم محل ليكلاند الانجليزي بمجمع مارينا مول فتح حديثا و أغراضه اتشوق ، عندهم أفرع وايد بالخليج ، و هذا أول فرع له بالكويت

قالب كيك على شكل كب كيكة كبيرة

هالطماطة حق الكاتشب أخذت وحده سعرها بدينارين ، اتونس لليهال

رف الأقراش احجام متنوعة

قوالب الكب كيك احجام وايد

قوالب الجيزكيك

خاصة للبرد الآيسكريم المنزلي

قطاعة فراولة و خضار

قطاعة المنجاو فيه منها للتفاح

وهذا فولجر بخمس دنانير اذا شريت ب ٢٥ دينار

كتالوجهم حلو فيه كل شي و ارقام الافرع اللي بالخليج

فرع مارينا مول
السالمية بلوك ٧ ، شارع سالم المبارك 25757510

lakeland web site

جوان1

أزياء هندية

Posted on 01/06/2012 by ameenahhh

قياسي

ملابس سهرة نسائية بتصاميم هندية لمصمم أزياء هندي قابلته في أحد المعارض بالكويت ،عجبتني تصاميمه البسيطة والراقية في نفس الوقت.وهو أول مرة يزور الكويت ويعرض فيها تصاميمة.وهذا موقعه عالانترنت ممكن تختارون منه وتطلبون حسب القياس واللون اللي تبونه:
www.amitgt.com

email:sensesindia@yahoo.com

ماي26

مجوهرات لينا

Posted on 26/05/2012 by ameenahhh

قياسي

من الاكسسوارات المميزة جدا والمطلية بالذهب ولها تصاميم حلوة وغريبة ،فضي أو ذهبي مع أحجار ملونة وممكن تطلبون الألوان والأشكال اللي تبونها.المصممة لبنانية ودارسة تصميم مجوهرات في أمريكا يعني هذا تخصصها وشغلها،لفت نظري شغلها لما شفتها في معرض في فندق ميسوني .لها موقع عالانترنت وصفحة عالفيسبوك وممكن بعد تطلبون دايركت بالتلفون

وهذي بعض التصاميم اللي تسوويها

وهذا رقمها: ٩٩٧١٠٠٩١

www.linajewelrydesign.com

ايميلها linafaza@gmail.com

ماي25

Mall of america

Posted on 25/05/2012 by ameenahhh

صورة

mall of america اكبر مول في امريكا موجود في ولاية مينسوتا المول قديم بس تم تجديده وتوسعته قريبا واشهر الماركات الامريكية المعروفة موجودة فيه وفيه ملاهي ومطاعم وسينمات وكل اللي تتخيلونه .للي حابين يقضون اجازاتهم السنة في امريكا أنصحهم يزورونه وفي فنادق وايدة قريبة عليه يعني تروحون له مشي،احنا سكنا في فندق country innكنا نروح المول مشي وقعدنا اسبوع كنا كل يوم نروح المول ولا خلصنا منه.

http://www.mallofamerica.com/home

ماي24

DeBrand chocolatier

Posted on 24/05/2012 by ameenahhh

قياسي

كاكاو دي براند راح يفتح قريبا في الكويت بس حاليا في لهم موقع تقدرون تطلبون منهم كاكاوهم وايد لذييييذ واشكاله غريبة ،،في منه على شكل علب وعلى شكل سيجار وغيره،.هذا موقعم ورقم تلفونهم

update from amhouly today 27/5/2012
اليوم زرت معرض كويت عزنا وأكثر شي عجبني محل الكاكاو ديبراند ماركة أمريكية و ماقاومت شريت اللي عجبني

http://www.youtube.com/watch?v=OQ7uGrOpWIo&feature=plcp

99496222
Instagram & Twitter: @DeBrand_q8

DeBrand website

ماي21

تهاني الأيوب و موقعها الجديد لتعليم التصوير

Posted on 21/05/2012 by amhouly

قياسي

دائما سباقة ومتميزة بتدريبها و تعليمها لأصول التصوير
تهاني الأيوب و موقعها الجديد المختص بتعليم أصول التصوير ، فيه تصوير فيديو للمحاضرة اللي يحتاجها أي مبتدأ ليتعلم كل شي عن الكاميره و غيره ليبدع بلقطات مميزة

الى الامام يا تهاني و ما قصرتي يا المبدعة

موقع تهاني الأيوب لتعليم التصوير على اصوله

أول موضوع لتهاني الايوب هنا

ماي18

زهور و ورود الأفنيوز

Posted on 18/05/2012 by amhouly

قياسي

الأفنيوز اليوم كل ممراته زهور و ورود غريبة و فراشات همن
وكل ركن للزهور له راعي لأحد الماركات

لوجو الشايع بالورود

الهلال الأحمر موجودين و يستقبلون تبرعات الخييرين

امزهبين عدة لتنسيق الزهور بيكون فيه دورة لمنسقة زهور

ماي18

سندويشات بوتبيللي Potbelly بالأفنيوز

Posted on 18/05/2012 by amhouly

قياسي

اليوم طلعت مع العيال لمجمع الأفنيوز و كنا نبي غدا خفيف دخلنا مطعم بوتبيللي للشايع ، أول شعور حسيته إني جني بامريكا يمكن من نوعية الصور و الأغاني اللي حاطينها
طلبنا شوربة بروكلي كانت وايد لذيذة و سندويشات دجاج و شبس
أكله لذيذ و عجبني طريقته نفس سب واي

http://www.potbelly.com

ماي18

للتبرع لمشروع إفطار الصائم لمصر

Posted on 18/05/2012 by amhouly

قياسي

كما وصلني من الإخت أم فهد ، زجاهم الله خير

🌙إفطار صائم في مصر🌙
أيام معدودات ويهل شهر الخيرات ولنا أخوة مسلمون في مصر يعانون الجوع والفقر فساهمي معنا أختي الحبيبة في إطعامهم وإدخال السرور إلى قلوبهم في هذا الشهر ولك مثل أجر صيامهم
تكلفة الأسرة الواحدة لمدة شهر (٢٠ دينار)
علماً إن غالبية الأسر عدد أفرادها كثير ، مرفق صور لمشروع العام الماضي